صبا دشتیاری. ڈاکٹر اکبر بلوچ


صَبا دشتیاری

نیبشتہ کار : ڈاکٹر اکبر بلوچ

استاد صبا چہ شالءَ کراچیءَ اتکگ اَت۔ یَک روچے ملیرءَ مئے بازارءَ اتکگ اَت کہ کتابجاہءِ سالانہ مراگشءِ دعوت نامہءِ گُون اِتاں ۔ من استادءَ آئیءِ طبیعت باروا جُست کُت ۔ پَسوئی دات کہ مرچاں من راہ رواں منی سِینگ درد کنت ۔ استاد چونائیءَ بلڈپریشر ءُ شوگرءِ نادراہ اَت ۔ من گُشت کہ استاد بیت کنت تَرا دلءِ نادراھی گُور جَنَئگءَ بِبیت ۔ پمیشکا بائدانت کہ ترا دلءِ ڈاکٹرےءَ کِرا بَرگ لوٹیت ۔ تَؤ وتی دلءِ ٹیسٹاں کنائین ۔ گُشیت کہ من شالءَ چے اتکگاں کتابجاہءِ سالانہ دیوان واستہ پمیشکا دیوانءَ پیسر من ھچ ڈاکٹر کِرا شُت نکناں ۔ من باز سرپد کنگے کوشش کُت ۔ بلے بےسُوب پرچا کہ استادءَ کتابجاہ ۔ بلوچی زبان وتءَ چے گیش دوست داشتگاں ۔

منءَ یاد کنت کہ لائبریریءِ سالینہ پروگرام کہ حلاس بیت ۔ دو یا سئے روچءَ پَد سُہبءِ سرا منا سنگتے فون کنت کہ بیا دوشی شپءَ استاد طبیعت باز حراب بوتگ ءُ کارڈیو کراچی ھسپتال ءَ داخل اِنت ۔ مں سنگتانی ھمبراہیءَ ھسپتالءَ استادءِ چارگءَ شُت اِیں ۔ استاد آئی سی یو داخل اَت ۔ ڈاکٹراں اینجو گرافی کُتگ اَت ۔دلءِ سَے اِیں رَگ بند اِتاں ۔ دلءِ ڈاکٹراں بائی پاس سرجری ءِ سُوج دات کہ امینکس زُوت آپریشن بِبیت  بہتر ءُ شَر تراِیں ۔ سنگتاں استاد صبا گوما حَبر کُت کہ اے مسئلہ اِیں ءُ تئی بائی پاس آپریشن جلدی کنگی اِیں ۔ استاد ءَ جواب دات کہ جلدی نہ وَدار بکنے دانکے کہ یک ھپتگےءَ ۔ یک شمبےءَ جہانگیر روڈء کیاماسریءَ ظفرکریمءِ کتابءِ دیمدرائی اِنت ۔ من کوئٹہ چے اتکگاں لائبریری پروگرم ءُ دومی ھمے پروگرامءِ واستہ ۔ دل مفتءَ نیامءَ گُون کَپتگ ۔ مئے ءُ استادءِ پدا جنگ بوت بَلے مں بے سُوب بوتیں ۔ استاد نادراھی حالتءَ پروگرامءَ بَہر زُرت ۔ پروگرام حلاس بئیگءَ رَند دومی روچ ھسپتالءَ داخل بیت ءُ آپریشن کنائینیت ۔من یک چیزے نزدیکءَ چے دیست کہ استادءَ وتی زبان ۔ وتی کاز چہ وتی جندءَ گیشتر دوست بیتگ ۔ صباءَ وتی جِند وتی صحت باروا ھچ پرواہ نبیتگ ۔ آئی ءَ وتی زبان وتی کار چہ دُرستاں دیما بیتگاں ۔
چُشیں مردم تاریخ تہا زندگ بَنت ءُ ابدمان بَنت

تبصرے

اس بلاگ سے مقبول پوسٹس

"کرانچی ہمارا" اور "مرسوں مرسوں" کے شور میں دبی یہ آواز.... ذرا سی توجہ چاہتی ہے.

Gates Foundation, Wuhan Lab and WHO hacked. کروناوائرس: اصل حقیقت آخر ہے کیا

بجٹ اور ﺳﺮﮐﺎﺭﯼ ﻣﻼﺯﻣﯿﻦ  کی ﺗﻨﺨﻮﺍﮦ ﻣﯿﮟ ﺍﺿﺎﻓﮧ