درویش قصہ کنت - برونک - عومر درویش



درویش قصہ کنت

برونک (Bronk)

نیبشتہ کار : عومر درویش


ملّیرءِ دمگءَ برونک ھما کاپرءَ گْوشنت کہ باز مزن نہ بیت، 3،4 فوٹ بُرزت بیت۔ ایشیءِ سرا ایران(رزان) چہ مُشگءَ رند ایر کنگ بنت، تاکہ روچ ءِ تاب آیاں ھُشک بہ کنت، بلے اے تیوگا ایران ایر کنگءِ جاگہ نہ اِنت۔باز دیریگیں ھبرے نہ انت۔ بیست سال ساری ایشیءِ چیرا آپ ءِ مَٹّءُ گڑک بھی ایر کنگ بوتگ اَنت۔ انچو کہ شما عکسے تہا گندگ اے برونک وقت ؤ  حالتاں جتا برہنگ انت ۔برونک چیر مُدام سارت بوتگ پرچا کہ ھرکسءَ کہ آپ وارتگ، پشت کپتگیں ھمدا ریتکگ اَنت۔ آ زمانگءَ فریجءُ لین نہ بوتگ۔ھمے برونکءِ چیر مئے گْونڈوانی نندگءِ جاگہ ہم  بیتگ۔ برونک کش مچّی لُٹّءُ کوپڑا ءِ کرزاں بندکنگ بوتگ اَنت۔ایراناں ابید دگہ بازیں چیز ایشیءِ سرا وئیل بیتگ اَنت۔ وہدے ما ناکوزتک ءُ تْروزتکاں لیب کتگ ءُ لیب لیبءَ جنگ کتہ گڈا ماتءَ مئے لیبو برونکءِ سرا چگل داتگ اَنت۔مئے دست  برونکءِ سرا نہ رستہ گڈا منا برونک ءِ سرا سکّ زہر اتکہ، کہ اے اِدا پرچا مِکّ اِنت۔ھنچوش کہ من گْوشت برونک ایرانانی ایر کنگ ءِ جاگہ بوتگ تاکہ روچءِ تاب ایشاں ھُشک بہ کنت۔ مروچی سائنس ہم ھمے گْوشیت کہ ایرانانی مُشگءَ رند روچءِ تاب المی اِنت کہ جراثیم بہ مر اَنت۔ بلے  شما ھمے سوچگ کہ  مئے کماش چہ سائنسءَ کرنہ بلد بوتگ اَنت۔ راستی چش نہ انت آیاں ایران برونک ءِ سرا پمیشکا ایر کتگ اَنت کہ ایشاں کُچک ءُ پوشی مہ چٹّنت۔ دومی چُلّ دُوت ءُ کامور بوتگنت۔ بلے نوں گیس اتکگ،چُلّ دُوت ءُ کامور نہ بنت۔  ءٔ ایرانء- ہم چل تہا جاگہ کوتگ ۔
برونک کم کم ءَ ھلاس بیان اَنت، مئے ھلکءَ دوسے برونک پشت کپتگ البت آیوکیں نسل ایشیءَ نہ گندیت ءُ آ چہ برونکءِ نامءَ بھی بلد نہ بیت۔

تبصرے

اس بلاگ سے مقبول پوسٹس

"کرانچی ہمارا" اور "مرسوں مرسوں" کے شور میں دبی یہ آواز.... ذرا سی توجہ چاہتی ہے.

Gates Foundation, Wuhan Lab and WHO hacked. کروناوائرس: اصل حقیقت آخر ہے کیا

بجٹ اور ﺳﺮﮐﺎﺭﯼ ﻣﻼﺯﻣﯿﻦ  کی ﺗﻨﺨﻮﺍﮦ ﻣﯿﮟ ﺍﺿﺎﻓﮧ